Dengue sa buong mundo

Ang dengue ang pinakamabilis na kumakalat na sakit na dala ng lamok sa mundo. May 30 beses na mas maraming kaso na nakikita ngayon kumpara sa nakaraang 50 taon.

Dumadami ang kaso ng dengue dahil sa aktibidad ng tao.  

Ayon sa World Health Organization, tinatayang aabot sa 3.9 bilyong tao sa buong mundo ang nasa panganib na magkaroon ng dengue. Kumakatawan ito sa 50% ng populasyon ng mundo.

Hinihinala ng mga dalubhasa na nanggaling sa mga lamok at unggoy na matatagpuan sa Asia at Africa ang virus na pinagmulan ng dengue. Ang paulit-ulit at pabalik-balik na impeksyong ito ang maaaring pinagmulan ng mala-dengue na virus na nakakaapekto sa milyun-milyong tao ngayon. 

Maaaring makaapekto ang dengue sa milyun-milyong tao sa buong mundo.Inaasahan din ang patuloy na pagtaas ng bilang ng mga kaso bawat taon.